Тюштянь налхксемат — 11 июня 2026 г. в 13:56:01.072
Тюштянь налхксемат Ковылкинскяй райононь Кацялаень школа-интернатса «Защитник» военно-спортивнай лагерсь ётафтсь финно-угорскяй воинскяй налхкомат, конатнень лемдезь «Тюштянь налксемакс». «Возрождение финно-угорских воинских игрищ «Тюштя» клубть директороц Павел Валерьевич Мигунов. Тя мероприятиять васенце тевоц – национальнай мордовскяй налхкоматнень эреклафтомасна, шабатнень малатфтомасна мокшэрзянь крайть культуранц содаманцты. Шабатнень мархта васедемста Павел Валерьевич азондсь национальнай налхксематнень колга, синь историяснон, кода эсост налхкома, мезенди синь эрявихть. Сяда тов шабатне налхксть синь эсост. Нят кяскавса тюремась, олгонянь ускомась, пикс вельде юпиемась, кие сяда курок ашкодсы карьксть, фкя сур лангса байдекть кирдемац, пиксть кафта шири ускомац. Шабатне налхксесть мяль вельде, весяласта тиендезь сембонь. Мероприятиять аделамда меле шабатне симсть ламбама ярхцамбяль мархта танцти чайда.