Сузгярьгонь фольклорнай ансамбльсь — 11 июня 2026 г. в 13:15:01.553
Сузгярьгонь фольклорнай ансамбльсь Сузгярьге велеса фалу прянь шнафтома вастокс ульсь «Мокшаванят» фольклорнай ансамбльсь, кона шачсь лама кизода инголе. Тя пингста кие аньцек ансамбльса ашезь морсе. Нят клубонь, библиотекань, велень поселениянь, школань, хозяйствань работникт. Морама якасть Рузаевкав, Саранскяи и лия вастс. Корхтамась моли Р.М.Мироновать, В.И. Исаевать, Н.А. Дорожкинать, З.Г. Князьковать, Т.С. Чигодаевать, М.К. Чумаровать, Р.П. Ельмеевать и лиятнень колга. Кепотьксонди, В.И.Исаева вете идень тядя, покодсь хозяйстваса дояркакс. Р.М.Миронова вятезе Сузгярьгса велень поселениять. Мяляфтови эсь пара тевонзон мархта. Тяни Раиса Михайловна пуроптсь «Родные напевы» ветеранонь ансамбль. Ветераттне сембоса лездыхть велень клубти. Тянивок сашендыхть кяшендемань сетень кодама, конатнень прважсесазь боецоньконди СВО-в. Тяниень «Мокшаванят» велень фольклорнай ансамбльса морайхть О.П.Сардаева, Л.П.Кажаева, Т.Д.Амбаева и лиятне. Тернесазь морама Рузаевскяй райононь илатненди. Аф весть якасть морама «Шумбрат, Мордовия!» народнай творчествань фестивальти-пялькстомати. —Велень иланьке ётнихть пяк весяласта и мяляфтовиста,—корхтай Сузгярьгонь клубонь заведующайсь Н.Г.Зуев.—Улихть и фольклорнай, и ветеранонь, и идень ансамбленьке. Синь петьсазь эрь иланьконь.