КАСФТЫХТЬ ПАТРИОТТ — 20 июня 2026 г. в 17:52:00.599
КАСФТЫХТЬ ПАТРИОТТ Атюрьевскяй райононь Крхтаж велень средняй школань ученикне, тонафтыхне сидеста васьфнихть СВО-нь участникнень, школань выпускникнень мархта. Аф весть родной школасонза ульсь и М.А.Алёшкин. —Минь киньге аф юкснесаськ,—корхтай школань завучсь С.И.Чумарова.—Войнань ветератт велезонк ашесть ляда. Тылонь труженикта пяк кржа. Войнань пингонь итть нинге улихть. Сашендыхть Афганскяй, Чеченскяй войнань участникне. Пяк ламоль СВО-нь участникта. Синь аф аньцек минь школастонк, но и районцтонк, республикастонк и нльне Москуста. Ня васьфтематне ётнесть пяк лямбоста, интереснайста. М.А.Алёшкинга стака раненияда меле. Но кядензон аф нолясыне. Мзярда тернесазь школав, вестевок аф атказакшни. Азонкшни эсь и ялганзон колга. —Тяфтама мероприятиятне тейнек пяк эрявихть,—корхтай школань директорсь Н.И.Бурнашкин.—Иттненди эрявихть няфтемс афкуксонь патриоттне, Родинань кельгихне, аралайхне.