Екатерина Егоровнанди—97 киза — 3 июля 2026 г. в 14:23:00.735
Екатерина Егоровнанди—97 киза Эсь 97 шачема шинц отмечазе Сире Шайгавонь райононь эряйсь, Великай Отечественнай войнань участниконь удавась, тылонь труженицась, трудонь кельги мокшавась Екатерина Егоровна Шумкина. Сон сембе эсь одонь кизонзон максозень тя районти. Аф тёждяль эряфоц Екатерина Егоровнань. Шачсь странаньконь инь стака пингстонза. 12 кизоцоль, мзярда ушедсь Великай Отечественнай войнась. Эста тяфтапне оцюфнень мархта ряц работасть колхозса. Войнать аделамста оцю стирель ни. Кеподсь войнада мельдень велеть эса. Стакаль, но кядензон вестевок ашезень ноля. Екатерина Егоровна юкстаф ломанькс лемдемс аш кода. Сон фалу симтьф-антф, ули кинди мельганза ваномс. Шачема шистонзовок кульсь эсь колганза Екатерина Егоровна лама лямбе валда. Ашезь ляда и казнефтома.