Ёрась рамамс Германияста машина — 3 июля 2026 г. в 13:08:00.909
Ёрась рамамс Германияста машина Саранск ошень 38 кизоса эряйсь ётафтсь мошенникненди 3 миллионть малава цалковай «Мазда» машинань рамамс. Зиянц повфть валонзон коряс, интернетста няйсь реклама, ётась ссылкать коряс и повсь тя группати, конат пачфнихть Германияста иномаркат. Алясь гайфтсь менеджерти, азомок, што ёрай рамамс Германияста «Мазда». Теенза пачфтезь, што машинать инкса сембе ярмаксь пандома аф эстокиге, а аф лама пингонь ётазь. Телефон вельде ладязь машинать питненц—1 миллион 500 тёжянь цалковайть малава. Васенцеда алясь кучсь 500 тёжянь цалковай. Теенза азозь, што тя ярмаксь туй таможеннай пошлинать пандоманц инкса. Омбоце шиня алясь кучсь иномаркать инкса нинге миллионть малава ярмак. Аф лама пингта меле теенза гайфтсь менеджерсь, кона залогонди анась кядьстонза нинге 700 тёжянь цалковай. Аляти надияфтсь, што тя ярмакнень меле мрдафтсазь. Аф лама шида меле электроннай ПТС-нь оформляндамать, документтнень и госпошлинать пандоманц инкса алясь ётафтсь нинге 600 тёжянь цалковай.