Тюрсть фашисттнень каршес — 3 июля 2026 г. в 09:14:00.543

Тюрсть фашисттнень каршес Атерь велеса ашель стама семья, конань ба афолезе тока Великай Отечественнай войнась. Сон ашезь ёта и Царёфнень семьяснон вакска. Николай Адександровичень ниле цёранза тусть странаньконь аралама, немецко-фашистскяй захватчикнень каршес тюрема. Фкясь синь эздость, Александр Николаевич, куду ашезь мрда. Сон шачсь 1925 кизоня Атерь велеса. Сявозь войнав 1943 кизоня. Гвардиянь рядовойсь шавовсь бойса 1943 кизонь сентябрьста. Калмаф Киевскяй области. Оцю брадоц, Гавриил Николаевич, воявась омбоце Украинскяй фронтть составса. Ётазе марнек войнать. Войнада меле трудендакшнесь школаса, лия вастса. Мрдась войнада меле куду и Фёдор Николаевич, кона лама киза покодсь конюхокс, райисполкомса, райпоса.