Теждя ки , выпускникт — 3 июля 2026 г. в 09:00:07.808
Теждя ки , выпускникт 27 июньцта Зубово-Полянскяй райононь Явас посёлкань средняй общеобразовательнай школаса ётафтовсь оцю ила, конань пингста ильхтезь самостоятельнай эряфти выпускникнень. Школань директорсь Лидия Сергеевна Михайлова пшкядсь выпускникненди лямбе вал мархта. Сон арьсесь эрти мумс эряфса эсь вастонц, поступамс вузу, училищав. Тяфта жа корхтасть Явас посёлкань поселениянь администрациянь оцюнясь Виктор Алексеевич Дежуров, Мордовия Республикать эзга Россиянь УФСИН-ть начальниконц полафтыец Алексей Александрович Булычев и протоиерейсь Павел, Серафим Саровскяень храмонь настоятельсь. Седи ваксстонь лямбе валхт азфтольхть тядятнень-алятнень эзда. Синь отмечазь, што школась макссь аф аньцек цебярь содамошит, но и тонафтозень трудонь и Родинань кельгома, улемс афкуксонь патриотокс, Родинань аралайкс. Явас посёлкань школась арась сембонди омбоце кудкс. И кода корхтасть синць выпускникне, сон юкснемс аф эряви. Вдь тяза лядсть павазу идькс пингсна, кельгома тонафтысна. Татьяна НАДЕШКИНА