«Мокшень правдати»—105 киза — 3 июля 2026 г. в 06:13:00.717

«Мокшень правдати»—105 киза ⁣ «Мокшень правдати» сёрматфтомась ётась аф кальдявста ⁣ Аделавсь тяддеть омбоце пяленцты «Мокшень правдати» сёрматфтомась. Почтаста кучф даннайхне корхтайхть сянь колга, што эсь кяльсонк лисенди газетать сяда кржа ялгадонза ашезь ара. Аф кальдявста «Мокшень правдати» сёрматфтомась ётась Ковылкинскяй, Атюрьевскяй, Старошайговскяй, Рузаевскяй, лия райоттнень эса. Оцю спасиба сембонди, кит сёрматфтозь газетаньконь, лядсть цебярь ялгакс. Аф кржаль и газетаньконди лездыда. Нят В.Д.Илькаев (Ковылкинаста), Н.А.Баранова (Зубово-Полянаста), А.В.Резяпкин (Краснослободскяйста), П.Н.Тултаев, Р.П.Талин (Саранскяйста), В.Н.Сурайкин, Н.Б.Амбаев (Рузаевскяй районцта), Г.С.Наркаев (Сургутста), Г.М.Потанькин (Ленинградскяй областьста). Цебярь ялга «Мокшень правдати» и Инсарскяй райононь «Верхисское» ООО-ть генеральнай директороц Н.Б.Фанакин. Кунара ни сёрматфнихть «Мокшень правда» Атюрьевскяй райононь Каргоньжяй велеса Н.Н. Гераськина, Л.Н. Трегулова, Е.Ф. Маланкина, Боражса—Т.Т. Кузьминова, В.Ф. Морозова, Т.К. Калабкина, Е.В. Пятина, Темниковскяй райононь Кушка велеса В.В. Киселёва, Торбеевскяй райононь Варжеляй велеса Н.А.Маскаева, Л.И.Чапайкина и ламотне лиятне. Тяддень сентябрьста «Мокшень правдась» отмечасы эсь 105 кизонь юбилеенц. Илада кармай лама. Газетаньконь козя историяц. «Мокшень правдаса» покодсь лама содаф ломаньда. Нят В.М. Сурков, Н.И. Учватов, М.Г. Имяреков, И.Н. Кудашкин, Г.И. Пинясов, М.С. Моисеев, Н.Б. Голенков и ламотне лиятне. Тяни аф покодихть газетаса, но кирдихть мархтонза кеме соткс В.А.Ерёмкин, В.В.Лазарев, З.В.Шукшина, Н.В.Кубанцева, А.П.Петрунина, лиятне, конат «Мокшень правдати» макссть 30-40 киза. Тянивок газетаньке лисенди эрь шуваланяста кемготува лопаняса. Сонь лама лувидонза, кельгидонза. Минь старандатама аф коламс синь мяльснон. Снимкаса: Краснослободскяй муниципальнай райононь оцюнять заместителец А.В.Резяпкин ванондсы «Мокшень правдать» од номеронц.