Мон—«Мокшень правда» газетать инкса — 3 июля 2026 г. в 06:35:01.888
Мон—«Мокшень правда» газетать инкса Монць рузаван. Мирдезе—мокша. Но кода мяляфтса, кудсонк фалу ульсь «Мокшень правда». То мирдезе сёрматфнесы, то монць. И нинге вестевок ашень каендакшне, што сёрматфтыне тя газетать. Хуш и рузаван, морафнеса пара мяльса. Газетась аф весть азонкшнесь и эсь, и школазень колга. Тяса ули мезе няфтемс, мезень колга сёрмадомс. Тиеме оцю историко-краеведческяй музей, конань ваномонза сашенды лама ломаньда. Синь аф аньцек Атюрьевскяй районцта, но и Мордовияньконь, странаньконь эрь уженянзон эзда. Ломаттне тушендыхть школастонк кепотьф мяльса. Кельгсазь школасонк и «Мокшень правда» газетать. Сонь вов ни лама киза сёрматфнесазь Н.И. Бурнашкин, С.И.Чумарова, Н.Я.Алёнина, Н.А.Пиксаева, Т.М.Кабанова и ламотне лиятне. Мон арьсян, што «Мокшень правдась» сёрматфтома эрь мокшень семьяти. Сон аф кальдяв. Ули мезе лувомс и оцюфненди, и ёмлатненди. Наталья Сиркина, Мордовия Республикань Заслуженнай учитель.