Самбось кочкси вий — 10 июля 2026 г. в 16:45:00.627
Самбось кочкси вий Сире Шайгавонь районць кемокснесыне спортса эсь позициянзон. Тянь колга корхтай и ся, што ня шитнень районца ульсть странань самбонь тяшттне: Елена Владимировна Ломакина, студенческяй спортивнай самбонь лигань Ассоциациянь исполнительнай директорсь, Евгений Иванович Исаев, спортонь Заслуженнай мастерсь, миронь нилень-крда, Европань кафтонь-крда чемпионць, а тяфта жа Пермскяй краень «Самбонь школа» Всероссийскяй проектонь координаторхне. Синь васьфтезень Сире Шайгавонь муниципальнай райононь оцюнясь Г.А.Мухин. Васедемась ётась пяк мялень салайста, эсонза ванфтольхть пяк эрявикс кизефкст. Корхтамась мольсь самботь Сире Шайгавонь районть эряфс сувафтоманц колга. Тя тевсь можна афкукс тиемс Сире Шайгавонь средняй общеобразовательнай школать видеса, конац аф кунара петьфоль-одкстоптфоль, отвечай тяниень пингть сембе вешфксонзонды. Школась тусь инжихнень мяльс. Инголе—оцю надиямат и аф ёмла тефт.