12 июльста —ПЕтронь и Павелонь шись (Петрусь) — 10 июля 2026 г. в 16:36:00.054
12 июльста —ПЕтронь и Павелонь шись (Петрусь) Пётронь и Павелонь шись, или Петрувонь шись, конат почитандавихть православияса, васьфневи 12-це июльста. Тя кизонь валда события, кона шумордасы Петрувонь постть. Христианскяй тя илать Рузонь православнай церькавсь каннесы «великайхнень» лувксс. Петрувонь постсь ушеткшни Тройцяда меле недялянь ётазь. Постть аф фкя лацонь кувалмоц: 8 шиста сявомок 42 шити молемс. Аделсеви сон фалу Пётронь и Павелонь лятфнема шиня—12 июльста. Сембе апостолхнень эзда Церькавсь аф стак явфнесыне Пётронь и Павелонь. Иисус Христости тонафникс арамда инголе Пётр ульсь калонь кунцикс. Шкабавазсь тердезень Пётронь и сонь брадонц, сай пингонь апостолть Андрей Первозваннаень, мзярда сят Генисаретскяй эрьхкса кунцесть калхт. Кстиндамда меле Павел ушедсь активнай миссионерскяй тев, христианствати шарфтсь лама современник, пуроптсь лама община и тись оцю путкс христианскяй богословияти. Синь кафцьке примасть мученическяй кулома. Но синь методсна и нежедемасна ульсть аф фкя лацоннет: Пётр шарфтсь мяль еврейскяй аудиториять лангс, эста кода Павел арась язычниконь апостолкс. И кафцьке ульсть казниндафт Римса. Преданиять коряс, Пётр ульсь путф (распятай) алу прят—сон сонць эняльдсь тянь колга, сяс мес лувозе эсь прянц аф достойнайкс и ашель мялец, штоба сонь казниндалезь кода Христость. Павелонь прянц керозь. Сон ульсь Римонь гражданинкс и распятиясь теенза ашезь мярьгондев статусонц коряс. Славяттнень, Пётронь и Павелонь, шисна арась илакс эстокиге Русть кстиндамда меле. Церькавонь преданиять коряс, святой апостолхнень васенце шкайняснон рузонь мастору, Корсуньста ускозе Владимир князсь. Сяльде тя шкайнять казезь Новгородскяй Софийскяй соборти. Васенце Петропавловскяй монастырть строязь Новгородса 1185 кизоня. Пётронь и Павелонь ликсна улихть эрь православнай храмса, синь лемснон каннезь ламоц рузонь святойхне. Тя шиня ломаттне пшкятькшнесть Пётр и Павел апостолхненди цебярь урожаень инкса, ётафневсть гуляндамат, коса од ломаттне вятнесть хоровотт и нюрясть нюрямса. Петрувонь шити приметат .кда кукусь кукай 12 июльда меле—тялось кармай поздняй; .кда Петрувонь шиня пси—ушеткшни тишень лядемась; .кда вякнайхть ватракшне—лямбось таргави кизоть аделавомс. Тяда башка, тя шиня ули кода поздравляндамс радня и мала ломанентень именинаснон марх- та, конат каннесазь апостолхнень лемснон—Пётр и Павел.