Н.Ф. Мокшинонь шачема шиста 90 кизонь топодемати МОРДОВИЯТЬ ГОРДОСТЕЦ — 10 июля 2026 г. в 13:38:00.775
Н.Ф. Мокшинонь шачема шиста 90 кизонь топодемати МОРДОВИЯТЬ ГОРДОСТЕЦ 22–23 июньцта Н.П. Огарёвонь лемса Мордовскяй государственнай университетса ётафтовсь «Этнические процессы в Поволжье и Приуралье в условиях меняющего мира» Всероссийскяй научно-практическяй конференция (Мокшинонь лемс I научнай лувоматне). Эсонза ванондовсть Поволжьянь и Приуральянь нароттнень историянь, антропологиянь и этнографиянь, обществаса межнациональнай и межконфессиональнай миронь и согласиянь кемокстамань, общероссийскяй гражданскяй идентичностень, идейнай и культурнай пространствань тиемань и лия кизефксне. Конференциясь лемтьфоль содаф учёнайть-этнографть и историкть, педагогть и общественнай деятельть, историческяй наукань докторть, профессорть, РСФСР-нь культурань заслуженнай деятельть, Мордовия Республикань наукань заслуженнай деятельть, Россиянь Писателень союзонь, Россиянь Журналистонь союзонь членть, Рузонь географическяй обществань Почетнай и Старейшинань советонь членть Николай Фёдорович Мокшинонь шачема шистонза 90 кизонь топодемати.