Трудонь кельги мокшаля — 24 июля 2026 г. в 15:38:01.331
Трудонь кельги мокшаля Крхтаж велесь Атерень районца содаф эсь трудонь кельги ломанензон мархта. Фкясь синь эздост Н.М.Петяйкин. Сон тяса шачсь и кассь. Тязк и кондястсь. Аш стама тев, кона аф вийс коре ба улель Николай Михайловиченди. Техникать сон кельгсы и лац содасы. Кда эняльдема мархта сай пялонза ломань, Николай Михайлович вестевок аф атказай. Надияфты и тисы. Мекольдень кизотнень Н.М.Петяйкин трудендась завхозкс Крхтаж велень средняй общеобразовательнай школаса. А тоса сон ульсь и электрикокс, и столяркс, и тевонь якафтыкс. И сембоса сафнезе. А инь главнайсь, цебярь ялгаль оцюфненди, наставниколь шабатненди, од ломаттненди. —Тяни тя лядсь фталу,—корхтай Николай Михайлович.—Инголе од, пенсионеронь эряф. Но пенсионеркс Николай Михайловичень лемдемс аф шарфтови кяльце. Сон нинге од, отькорь и ламось теенза вийс коре. Катк тяфта фалу и ули.