Аксёлса ётась фестиваль — 24 июля 2026 г. в 15:30:01.918
Аксёлса ётась фестиваль Аксёл велесь Темникавонь аймакса содаф эсь пара тевонзон мархта. Тястонь и маластонь велень эряйхне оцю лезкс макссихть СВО-ти, кочксихть и прважсихть гуманитарнай груст. Тя тевть эсь кядялонза сявозе велень храмонь настоятельсь Николай Арапов. Аньцек аф кунара Аксёлонь эряйхне прважасть СВО-в 170 колма литрань банка салыяфтф куя. Тяда инголе прважасть 32 банка салыяфтф куя, кота генераторхт, начка салфеткат, чай, сапонь и велень лия гостинецт. Тянь фталу кяшф лама ломанень труд. Арась цебярь койкс эрь кизоня ётафнемс «Аксёлонь куяр» гастрономическяй фестиваль. Тяддевок сон пуроптсь лама ломань аф аньцек Аксёл велеста, Темниковскяй районцта, но и сембе округста. Ульсть инжихть и оцю ошста. Тяса ломаттнень учезь кулинарнай каванямбяльхне, мастер-классне, ярхцамбялень варжаматне, фермеронь ярмаркатне, сувениронь продукциянь и ремесленнай изделиянь выставкатне, мялень салай квесттне и пялькстоматне, оцю концертсь. Ульсь мезе ваномс и оцюфненди, и ёмлатненди. Пяк пара, што «Аксёлонь куяр» гастрономическяй фестивальсь кизоста кизос кочкси вий, арси нинге сядонга оцюкс, мялень салайкс.