Мордовиясь поладсь Всероссийскяй акцияти — 31 июля 2026 г. в 12:08:00.723
Мордовиясь поладсь Всероссийскяй акцияти Мероприятиясь ётни Мордовия Республикань Вирень, охотниконь хозяйствань и природопользованиянь министерствать лезксонц вельде «Экологическое благополучие» национальнай проектть мяльса кирдезь. «Бумбатлсь»–тя аф аньцек вторсырьянь марса кочкама, а оцю пялькстома Россиянь региоттнень ёткса. Акциять васенце целец–республикань эряйхнень природати малатфтомасна и экологиять ванфтомац. Мордовиясь анок бороцямс РФ-нь субъекттнень марстонь рейтингсост лидерствать инкса, а участникненди ули кода няфтемс эсь пряснон личнай, семейнай и команднай зачётса. Примамс участия терневихть республикань организациятне и сембе эряйхне: дошкольнай образовательнай учреждениятне, гимназиятне, школатне, лицейхне, колледжне и вусне, государственнай и коммерческяй предприятиятне, семьяса активнай ломаттне. Тя тевть тиемста эряви содамс: 1. Макулатуранди примсевихть кагод, картон, газетат, журналхт, книгат и офиснай документациясь. 2. Кода тиемсмс-ладямс кочкамань процессть. Участникненди мярьгондеви мумс ответственнай ломань, сырьянь кочкамань васта и эрти содамс кочкамань пингть кувалмоц эсь учреждениясост или кудсост. Ушедомда инголе эрявихть содамс муниципалитетть территорияса вторсырьянь примамань маластонь пункттне. 3. Эряви регистрировандамс и максомс отчёт. Эрявикс условиякс ащи командать или индивидуальнай участникть регистрацияц БУМБАТЛРФ официальнай сайтса. Кочкаф макулатурать эряви ункстамс, фотографировандамс и сувафтомс даннайхнень личнай кабинету результатть федеральнай зачётса кемокстаманкса. 4. Азондомс участиять колга. Кагодонь кархчнень башка кочкамать колга содафтоманкса участникненди мярьгондеви пачфнемс социальнай сетьтнень эса процесть коряс фотографият и видеороликт. #Бумбатл, #экосистема и #нацпроект экоблагополучие хештекнень тевс нолямасна максси шанс сявомс питни казнет акциять потмоса креативнай постонь конкурсса. Кагодонь кархчень кочкамась моли 2026 кизонь 5 июньцта сявомок 2027 кизонь 31 майти. «БумБатлса» участиясь–тя афкуксонь возможность Мордовиянь эрь эряйти тиемс путкс странаньконь вирензон ванфтомаснонды,—отмечазе МР-нь Вирень хозяйствань министерствать представителец. Фкя тонна макулатурань переработкась аралай 17-шка шуфтонь керома. Минь кематама, што образовательнай учреждениятнень, бизнесть и простой ломаттнень вийснон пуроптомасна лезды рес- публикати занямс васенце васттнень Всероссийскяй зачётса и тисы природаньконь сяда арукс». Эрь этапть итогонзон коряс инь цебярь региоттне и самай активнай участникне казевихть федеральнай оргкомитетонь дипломса и питни казнеса. Всероссийскяй рейтингти итокт кармайхть тиендевома эрь кизоня.