#планерка
#планерка Улуус дьаһалтатын нэдиэлэтээҕи былаанныыр сүбэ-мунньаҕа Норуот айымньытын киинин үлэтин хаамыытын туһунан салайааччы Изабелла Петровна Саввинова иһитиннэриититтэн саҕаланна. Алтынньы 26 күнүттэн, Ийэ күнүттэн саҕаламмыт тэрээһиннэр тустарынан кылгастык кэпсээтэ. Норуот айымньытын киинэ Дьиэ кэргэҥҥэ иитиини өйүүр киини кытта сөбүлэҥ түһэрсэн, ыкса үлэлэһэр былаан, сыал-сорук турда. Алтынньы 24 күнүгэр ПФКИ Гранын кыайыылааҕа "Месяц культурного рока: 39 лет с Чолбон" бырайыак чэрчитинэн «Оҕо саас мичээрэ» рок бэстибээлэ Дьокуускайтан тиийэ ыалдьыттары түмэ тарта. Бу улахан үлэ тэрээһинигэр күүс-көмө буолбут Үөдүгэй сынньалаҥ киинин, П.Н.Тобуруокап аатынан норуот айымньытын дьиэтин коллективтарыгар улахан махталын тириэртэ. Быйылгы театральнай сезон алтынньы 31 күнүгэр И.С.Семенов аатынан норуот театра «Уһуктуу» испиктээгинэн саҕаланыаҕа. Сэтинньи 10-11 күннэригэр Бүлүү улууһун Сыдыбыл нэһилиэгэр Олоҥхо ааҕыытын күрэҕэ ыытыллаары турар. Бу испиктээгинэн ахсынньы ыйга "Алыптаах мааска" күрэххэ кытта бараары бэлэмнэнэллэр. Ахсынньы 17-18 күннэригэр Театр күнэ ыытыллара былааннанар. @uoheebuluu