#планерка
#планерка Улуустааҕы баһаарынай этэрээт үлэтин туһунан отчуоту салайааччы Олимпий Вячеславович Харлампьев иһитиннэрдэ. 2026 сыл алтынньы 26 күнүнээҕи туругунан улуустааҕы баһаарынай этэрээт сурунаалыгар 21 баһаар регистрацияланан турар, ол иһигэр 1 киһи өлүүлээх. Ааспыт сылга 14 баһаар бэлиэтэммит. Профилактика үлэтэ сыл устата тохтоло суох ыытыллар. Буруо таҕыстаҕына тыаһыыр тэрили - АДПИ туруорбакка улуус үрдүнэн 1493 дьиэ бэлиэтэммит. 1073 элбэх оҕолоох ыал, 181 анал байыаннай дьайыы кыттыылаахтарын дьиэ кэргэттэрэ туруорунан олороллор. Мэйик нэһилиэгин олохтоохторо 76% туруоруммуттар, 100% буоларын ситиһэр наадалааҕын бэлиэтээтэ. Онтон атын нэһилиэктэр бары 100% АДПИ туруорунан олороллор. Бу тэрил дьиэ иэниттэн тутулуктанан, элбэх прибор холбонон турар хосторугар барытыгар туруорар наада. Бу тыас утуйа да сытар киһини уһугуннарар кыахтаах. Дьиэ иһигэр тыаһыыр түгэнигэр ааһан иһэр дьоҥҥо эмиэ иһиллэр. Кыһын кэллэ, элбэх уокка холбонор тэрил үлэлиир кэмэ кэллэ. Билигин ыал үгүс өттө тас өттүгэр гирлянда холбуур үгэстэннэ. Онон сибээстээн, олохтоохтор уоккутун-күөскүтүн көрүнэн, розеткаларгытын сылга биирдэ арыйан көрөн бэрэбиэркэлиир ирдэнэр, гирляндалары сертификаттаах, анал маҕаһыыннартан атыылаһан туһаныҥ. Хас биирдии киһи олоҕо, баайа-дуола былаҕайга былдьамматын туһугар сэрэххитин күүһүрдүҥ, болҕомтолоохтук сыһыаннаһан эппиэтинэстээх буолуҥ. @uoheebuluu