«ЫТЫК БҮЛҮҮ ЫҤЫРАР!”: МАРГАРИТА СОКОЛОВА уонна БЭСТИБЭЭЛ — 23 марта 2026 г. в 06:52:27.533
«ЫТЫК БҮЛҮҮ ЫҤЫРАР!”: МАРГАРИТА СОКОЛОВА уонна БЭСТИБЭЭЛ Кулун тутар 19 күнэ. Бу күнү Бүлүү куоратын олохтоохторо, улуус култууратын үлэһиттэрэ күүппүппүт. М.Н. Жирков аатынан оройуоннааҕы култуура Дыбарыаһын фойетыгар биир идэлээхпит Саха сирин култууратын Далбар Хотуна, Бүлүүтээҕи Иван Михайлович Гоголев–Кындыл аатынан норуот тыйаатырын режиссера, Саха Өрөспүүбүлүкэтин култууратын үтүөлээх үлэһитэ, "Гражданскай килбиэн" бэлиэ хаһаайката Бүлүү улууһун, Бүлүү куоратын бочуоттаах олохтооҕо Маргарита Алексеевна СОКОЛОВА айар үлэтигэр аналлаах П.Х. Староватов аатынан кыраайы үөрэтэр түмэл туруорбут дьоһуннаах быыстапка тардылынна. 17.00. Дыбарыас конференц-саалатыгар Бүлүүтээҕи И. М. Гоголев-Кындыл аатынан норуодунай тыйаатыр режиссера Маргарита Алексеевна СОКОЛОВА 80 сааһын чиэһигэр ыытыллыбыт норуодунай тыйаатырдар икки ардыларыгар "Ытык Бүлүү ыҥырар!" аһаҕас өрөспүүбүлүкэтээҕи бэстибээл-күрэх дьыалабыай аһыллыыта буолла. Көрсүһүүнү бэстибээл сүрүн тэрийээччитэ Н. И. Ылахова аатынан "Алгыс" национальнай-култуурунай Киин дириэктэрэ Алена СПИРИДОНОВА иилээн-саҕалаан ыытта. Бэстибээлгэ Мэҥэ-Хаҥаластан, Хаҥаластан, Горнайтан, Үөһээ Бүлүүттэн, Бүлүүттэн кыттар 6 норуодунай тыйаатырдар артыыстарын улуус дьаһалтатын социальнай политикаҕа уонна ыччакка салаатын начальнига Елена ФЕДОРОВА, Бүлүү куоратын баһылыгын солбуйааччы Николай ИВАНОВ, култуура сайдыытын уонна норуот айымньытын оройуоннааҕы Киинин салайааччытын э. т. Эльвира КОРЯКИНА, методиһа Надежда ИВАНОВА, Саха Өрөспүүбүлүкэтин тыатын хаһаайыстыбатын министрин солбуйааччы Николай АФАНАСЬЕВ эҕэрдэлээтилэр, күрэххэ ситиһиилэри баҕардылар. БЫЫС АҺЫЛЛАР: КӨРСҮҤ –СЫАНАҔА МАРГАРИТА СОКОЛОВА уонна БҮЛҮҮ ТЫЙААТЫРА 18.00. Сценаҕа музыка алыптаах дорҕооно кутуллар... Тыйаатыр уонна муусука абылаҥнаах куттара – Мельпомена, Эрато, Эвтерпа, Талия үрдүк үрдэллэргэ тураллар. Кинилэр хас биирдиилэрин кытта Маргарита Алексеевна өр сыллаах үлэтин усталаах-туоратыгар айбыт сүгүрүйэр көрөөччүлэрин харахтарыгар хатанан хаалбыт умнуллубат уобарастара тыннаах хартыына буолан кэккэлээбиттэр... Ыытааччылар Мария ИВАНОВА, Василий НИКОЛАЕВ өрөгөйдөөх муусукаҕа доҕуһуоллатан, уруйдаан-айхаллаан үбүлүөйдээх күндү киһибитин сыанаҕа киллэрбиттэрин көрөөччүлэр сүһүөхпүтүгэр туран көрүстүбүт. Салгыы дохсун ытыс тыаһыгар доҕуһуоллатан «Ытык Бүлүү ыҥырар!" аһаҕас өрөспүүбүлүкэтээҕи бэстибээл-күрэххэ кытта кэлбит Хаҥалас, Мэҥэ-Хаҥалас, Горнай, Үөһээ Бүлүү, Бүлүү норуодунай тыйаатырдарын артыыстара сэлэлии хааман киирдилэр. Айар кут түһүмэҕэ. Айыл±аттан бэриллибит айар кутун алыптаах абыла²ар ылларан, талан ылбыт идэтин ба´ылаан, кинини µ²эр та²ара о²остон, сµрэ±ин и´ирэх иэйиитинэн бигээн, та´аарыылаахтык, киэн туттар µрдµк сити´иилэрдээх µлэлээн өрөспүүбүлүкэ басты² режиссера буола µµммүт, норуоттан тахсар ураты талааннары арыйан үйэлээх үгэстээх Бµлµµ тыйаатырын аатын өрөспүүбүлүкэҕэ уонна Саха сирин тас ³ттµгэр тиийэ ааттаппыт, дьулу´ан, туруорсан туран норуот тыйаатырыгар биир дойдулаахпыт Иван Гоголев-Кындыл аатын и²эртэрбит уонна ону ³р³ тутан 36 сыл устата сити´иилээхтик µлэлэтэ, сайыннара сылдьар биир идэлээҕим, үөлээннээҕим, дьүөгэм дьоро киэһэтин бу түһүмэҕэ дьэргэлгэн уотунан күлүмүрдүүр, сырдык, сылаас тыынынан сыдьаайар туох эрэ ураты, хатыламмат көстүүлээх буолуо диэн сэрэйэрим. Саҕаланна... Биһигини үөрдээри-көтүтээри, күннээҕи кыһалҕабытыттан аралдьытаары, үөрүүнү үрдэтэн үйэбитин уһаатаары Мадам Маргобут айбыт үлэтин кэрэһиттэрин - үгүс элбэх испэктээхтэриттэн быһа тардыылары, умнубатах оруолларбытын ахта-саныы уонна ону тэҥэ саҥалыы сонуннук көрдүбүт. Өбүгэбит үйэлээх номохторо, өй-санаа хаһан да бүппэт охсуһуута, кэрэмэс дьоммут умнуллубат үтүөлэрэ, таптал дьикти иэйиитэ хас артыыс толоруутун аайы сүрэхпитигэр уйалана сылдьар чараас куппутун таарыйда, итэҕэттэ, инники эрэли укта. Манна көрдөрүллүбүт М. Горькай “Васса Железнова”, Суорун Омоллоон “Сайсары”, Иван Гоголев-Кындыл “Таптал хатыҥа”, Уильям Шекспир “Отелло”, П. Ойуу