Нохчийн пачхьалкхан хьехархойн университетан нохчийн филологин кафедрехь йийцаре йира Н... — 7 мая 2026 г. в 10:42:18.989
Нохчийн пачхьалкхан хьехархойн университетан нохчийн филологин кафедрехь йийцаре йира Нохчийн Республикин Хьалхарчу Президентана, Россин Турпалхочунна Кадыров Ахьмад-Хьаьжина лерина йолу (Дала гӏазот къобалдойла цуьнан) Шамсудинов Бувайсаран «Верас» драма. И мехала цхьанакхетар лерина дара Нохчийн халкъан Баьччин Кадыров Ахьмад-Хьаьжин 75 шо кхачарна. Дийцаре дарехь дакъалецира Нохчийн Республикин йаздархойн союзан председатела Ельсаев Ӏаламахьада, Нохчийн Республикин Йукъараллин палатин аппаратан куьйгалхочо Гайрбеков Шамхана, Республикин шуьйрачу хаамийн гӀирсийн белхахой кечбаран а, йухакечбаран а туьшан директора Юнусов Хьамзата, пьесин автора, "Даймохк" газетан коьртачу редактора Шамсудинов Бувайсара, НПХьУ-н филологин, историн, бакъонан институтан директора Мусханова Йиситас, университетан хьехархоша, студенташа. Айдамиров Абузаран цӏарах йолчу аудиторехь чулацаме къамел хилира драмин исбаьхьаллин башхаллех а, коьртачу турпалхочун вастах - Кадыров Ахьмад-Хьаьжех а, ткъа иштта, кхоллараллин исторех а, говзаран документийн бухах а лаьцна. Нохчийн филологин кафедран хьехархоша а, студенташа а текстан литературоведчески анализ йовзийтира, цуьнан идейно-исбаьхьаллин маьӏналла билгал а доккхуш, пьесин авторна а, кхайкхинчу хьешашна а синкӏоме хаттарш а делира. Гулбеллачара билгалдаьккхира, иштта долу гӀуллакхаш тӀекхуьучу тӀаьхьенна истори, литература йовзарна чӀогӀа мехала хилар.