Хәерле көн, дуслар! Яңарышның бу атна саны килдеме әле сезгә? Ул кызыклы язмаларга бай : — 17 июля 2026 г. в 10:26:34.878
Хәерле көн, дуслар! Яңарышның бу атна саны килдеме әле сезгә? Ул кызыклы язмаларга бай : 🎉 Күз яшьләрен тыя алмадык... 196 мең гаилә арасыннан нәкъ менә аларның фамилиясе яңгырады! Ижауның танылган мәдәният хезмәткәре Светлана Кайсина һәм аның зур гаиләсе «Это у нас семейное» бөтенроссия бәйгесендә җиңеп, 5 миллион сумлык сертификатка лаек булды! Сәхнәгә Россия Президенты Хакимияте җитәкчесенең беренче урынбасары Сергей Кириенко үзе чыкты... 🕌 Чибәр авылның борынгы мәчете: ишеге 120 ел буе бер көнгә дә ябылмаган! Удмуртиянең төньягында урнашкан Татар Парҗысы авылы имамын «гайрәтле халык» дип юкка гына атамыйлар. Совет заманында бу мәчетне ябарга, мәктәп интернаты яки склад итәргә әллә ничә тапкыр киләләр. Ләкин 1956 елның бер көнендә бөтен авыл вәкилләре басудан йөгереп кайтып, мәчетне саклап кала. Тарихның без белмәгән битләре - 3-4нче битләрдә! 💻 92 яшьлек Роза апа кебек яшәргә иде: «87 яшемдә ноутбук алдым!» Ижауда яшәүче легендар укытучы Роза Николаевна Овечкинаның тормышы үзе бер кино! Фин сугышыннан Берлинга кадәр җиткән әтисе язмышы, Котловка мәктәбендә аңа гашыйк булган укучылар тарихы... Ә бүген 92 яшьлек Роза апа ялгыз яшәсә дә, Интернеттан башка тормышын күз алдына китерә алмый, ВКда яшьләр белән дуслаша һәм картиналар ясый! 8-9нчы битләр. 💥 Ләйсән Мазикова: «Күңелең тыныч булса гына атынасы килә» Әгерҗе районы Ямурза авылында яшәүче олы шәһәр кызы Ләйсән Мазикова авыл тормышын заманча оҗмахка әйләндергән! Ул макраме техникасы белән үреп ясаган асылмалы кәнәфиләр, шезлонглар 150 кг га кадәр йөкне күтәрә! Аның ясаган бишекләре Санкт-Петербургка кадәр киткән. 16 нчы бит.