Сайлымашым 2000 эскерыше терга.
Сайлымашым 2000 эскерыше терга. Республикыште 500 наре сайлымаш участке-влак почылтыныт. Марий Элын вуйлатышыже Юрий Зайцев Мер-политик рӱдерыште йӱклен да еҥ-влакым шке граждан порысыштым шукташ ӱжын. Марий Эл Кугыжаныш Погынын председательже Михаил Васютин тыгак илыме вер дене келшышын, участкыш миен, йӱклымашке ушнен. Каласыман, регионын сайлымаш спискыштыже 518 тӱжемат 271 еҥ. Тений кодшо сайлымаш семынак Марий Элыште дистанционно электрон йӱклымаш дене сайлаш лиеш. Тиде йон дене йӱклаш ончылгоч йодмашым 81 тӱжем утла еҥ пуэн. Фото: vk.ru/yvzaitsev
181 просмотров