Марий Эл вуйлатыше Волжскышто дзюдо залын леведышыжым олмыкташ ныл миллион теҥгем ешаре...
Марий Эл вуйлатыше Волжскышто дзюдо залын леведышыжым олмыкташ ныл миллион теҥгем ешарен ойыраш кӱштен. Амалже - самырык спортсмен-влакын ача-авашт улшо ситыдымаш нерген ик гана веле огыл ойленыт. Регион вуйлатыше палемден, ӱмаште леведышын ужашыжым уэмденыт да йоген кайыме верым кораҥденыт ыле. Эртыше теле чот луман лийын, садлан кашта-влак ладыргеныт. Февральыште залым лӱдыкшыдымылык шот дене петыреныт. Олан мэрже Павел Дёмин кодшо кечылаште пашам мучашлыме нерген отчётым ыштен: подрядчик леведышым уэмден пеҥгыдемден. Черетыште - кӧргӧ реконструкций, тудым 2027 ийлан палемдыме. «Обязательно ыштена! Тиде залыште тӱрлӧ ийготан 100 утла ӱдыр-рвезе ямдылалтеш. Тренер-влак - Российын кок спорт мастерже! Мемнан задачына - икшывына-влаклан спорт дене кылым кучаш йӧнан йӧным ышташ», - палемден республик вуйлатыше.