Мордовияса ётафневи эряфс «Земский учитель» программась — 26 июня 2026 г. в 12:41:00.388
Мордовияса ётафневи эряфс «Земский учитель» программась Мордовияса ётафневи эряфс «Земский учитель» федеральнай программась. Сон отвечай «Молодежь и дети» национальнай проектть целензонды и задачанзонды. Инициативась водендаф решандамс ёмла ошнень и велетнень эса педагогическяй кадрань аф сатнемань прябалать, макссемок учительхненди финансовай лезкс республикань райоттнень эса эряманди и работаманди. Программать механизмац тёждя и тяниень пингонь: педагокненди, конат ётазь пялькстомать и тусть покодема вели или ёмла ошненди, макссеви 1 миллион цалковаень лувксса весть пандома. Эрявикс вешфкссь—покодемс образовательнай учрежденияса 5 кизот. Цебярь кепотьксокс программать эряфс ётафтомаса арась Рузаевскяй муниципальнай райононь 9 № школань начальнай классонь учительть Анжелика Зубковать опытоц. Кочкамок районца покодемать, сон получась аф аньцек финансовай лезкс, но и панжевсь инголенза оцю ки ётафтомс эряфс арьсефоц. «Земский учитель» программась—тя оцю лезкс педагокненди. И пара улель азомс од специалисттненди: аф эряви пелемс ответственностть эзда, сяс мес тя программась максси афкуксонь возможность, пяк цебярь практика, ушедомань капитал и, конешна, работа, коса аш границат эсь прянь няфтемаса»,–корхтай Анжелика Зубкова.