«Нармоннясь» сась Нижняй Новгородста — 26 июня 2026 г. в 12:36:00.539
«Нармоннясь» сась Нижняй Новгородста 9-13 июньцта Нижняй Новгородса ётафтовсь «Диалог культур» Од ломанень Межнациональнай Всероссийскяй лагерь. Мордовия Республикать няфтезе «Нармоннят» Н.П.Огарёвонь лемса госуниверситетонь филологическяй факультетонь студенческяй коллективсь. 5 шиста студенттне кенерсть якамс ошть эзга, корхнесть областень оцю инжихнень мархта. Нят ульсть Нижегородскяй областень внутренняй региональнай и муниципальнай политикань министрть полафтыец Д.А.Грачев, Росиянь ФАДН-ть национальнай политикань сфераса программань и проектонь управлениянь оцюнясь А.М.Берновская. Студенттне морасть Мордовиянь заслуженнай артисткать Инна Каменевань мархта. Кулхцондозь РФ-нь народнай артистть В.А.Стекловонь историянзон, налхксть «Этноквизса», мусть од ялгат, конатнень содлафтозь Мордовиять культуранц мархта. Россиянь Шиста морасть «Швейцария» паркса лама тёжянь ломанень инголе. Ольга Дьячкова, Алина Пониматкина, Виктория Полушкина, Марина Можина, Алёна Кузьмина и Амина Агишева кенерсть ни мрдамс куду. Участникнень седиса сембе пингс лядыхть лятфнемат лагерть и Нижняй Новгородть колга. Татьяна Надёшкина.