М.Я.Зеленов, педагогическяй трудонь ветеран — 26 июня 2026 г. в 12:27:00.486
М.Я.Зеленов, педагогическяй трудонь ветеран Монь алязе, Яков Иванович, шачсь и кассь Кяшал велеса. Аф тёждяль шабакс пингоц. Но аф ваномок сембе стакатнень, сталмотнень лангс, аф кальдявста тонафнесь школаса. Меле содаф поэтть А.С.Малькинонь мархта поступандакшнесь тонафнема Темникавонь педтехникуму. Аделамс ашезь сав. Сяс мес эрявсь работамс, лездомс родителензонды. 1941 кизоня ушедсь Великай Отечественнай войнась. Алязе тусь фашисттнень каршес тюрема. Ётазе марнек мирть. Сяськикс мрдась куду. И эстокиге кярьмодсь колхозонь тефненди. Трудендась виень аф ужяльдезь, касфтсь аф кальдяв итть. Сембонди макссь цебярь воспитания, образования. Тяни мирса аф сетьме. Фашисттнень уноксна врьгятнихть Россиять лангс. Но минь аф макссаськ обжамс странаньконь, тапасаськ, сязьсаськ инекуйхнень пряснон. Монць боевой действиянь ветеранан, улихть казнене. Эряфоньберьф покодень школаса, касфтонь афкуксонь патриотт, Родинань кельгихть. Нльне тянивок, мзярда пенсиясан, старандан аф ащемс кудса, сяда сиденяста васьфнемс школаса тонафнихнень мархта. Азонкшнян сянь колга, кода тейнек сатовсь тя Великай Сяськомась, кода атяньке, аляньке тапазь фашисттнень. Яков Ивановичень унокоц, Илья Петрович Шабайкин, примай участия СВО-са, аралай Родинаньконь эса. Сон афкуксонь герой, Родинань кельги. Улихть казненза. Тяфтама ломаттнень колга эряви корхнемс шназь, гордостень марязь. Синь мзярдовок аф макссазь обжамс Родинаньконь. Маштозь, оцю ответственностень марязь поладсазь атяснон-щятяснон тевснон.