Талакодсь ярмакнень ускомста — 3 июля 2026 г. в 12:33:01.014
Талакодсь ярмакнень ускомста Кода пачфнихть Мордовия Республикань МВД-ста, 65 кизоса Рузаевка ошень эряйсь счетстонза валхтсь 540 тёжянь цалковай и Саранск ошу ардомста арьсезевсь, што мезе-бди тии аф стане. А сембось ушедсь кудонь чатть эзда—авати эняльдсть максомс вайгяленц ошть цебярьста петеманц-ладяманц инкса и кучемс группав смс-ста кодть. Тяда меле чатонь лия участникне ушедсть тяшнема, што сонь даннаензон мархта мезе-бди аф стане. Пинге ётазь авати гайфтсь «Роскомнадзоронь сотрудник». Тонац азозе, што пенсионеркать банковскяй счетоц эряви араламс мошенникнень эзда. Тя тиеви эста, кда сон валхтсыне ярмаконзон и ётафтсыне «аф пелькс счётс». А ётафтомс синь ули кода аньцек Саранск ошса. Пенсионеркась валхтозень счётстонза ярмаконзон и тусь ускомост Саранск ошу. Ардомбачк шарьхкодсь, што сон повсь мошенникнень ульмонязост.