Тифт итокт «Кизонь семья» пялькстомати — 3 июля 2026 г. в 08:37:00.971
Тифт итокт «Кизонь семья» пялькстомати Мордовия Республикаса азозь «Кизонь семья» пялькстомань региональнай этапонь сяськихнень. Эсонза примасть участия Саранскяйста и кемнилие районцта 180 ломань. Синь няфтсть видеороликт, фотографият, казнет, азондсть семьянь койснон, павазу эряфонь секретснон колга. «Лама идень семья» номинацияса сяськикс лиссь Инсарскяй районцта Александр и Ольга Акимофнень семьясна. «Од семья» номинацияса сяськсь Дмитрий и Татьяна Суяшофнень семьясна Кочкуровскяй районцта, «Велень семья» номинацияса Евгения и Олег Шевченкотнень семьясна Зубово-Полянскяй районцта. «Зрнянь семьякс» лувфоль Виктор и Елена Кирсанофнень семьясна Лямбирскяй районцта. «Коень ванфты семьякс» лувфоль Алексей и Людмила Канаефнень семьясна Рузаевскяй районцта. «Отечествань аралаень семья» номинацияса лиссь сяськикс Виктор и Татьяна Новикофнень семьясна Дубёнскяй районцта. «Кизонь семья» пялькстомаса сяськихне молихть Москуву Всероссийскяй пялькстомас.