Семьясь повсь мошенникнень килькшс — 10 июля 2026 г. в 16:01:01.125
Семьясь повсь мошенникнень килькшс Кода пачфни Мордовия Республикать эзга МВД-сь, фкя семьянь колма члеттне повсть мошенникнень килькшс и юмафтсть 1 миллионда лама цалковай. Сембось ушедсь «казне мархта посылкань пачфтемаста». Заявкань максыть раднянц кядьста аназь кодть, кона кучфоль смс-сообщенияса. Тяда меле злоумышленникне ушедсть азонкшнема пряснон эрь кодама ведомствань и финансовай учреждениянь сотрудникокс. Тяфта синь корхтазь семьянь колма члеттнень ётафтомс ярмакснон аф пелькс счёттненди. Тянь сюнеда синь юмафтсть 1 миллион 100 тёжянь цалковай. МВД-ть даннаензон коряс, полицейскяйхненди удалась мрдафтомс салаф ярмакнень эзда 899 тёжянь цалковайть. Мошенникнень схемаснон колга публикациятнень эса аф весть пачфневсь сянь колга, кода афтерьксне, азондомок эсь пряснон соцфондонь сотрудникокс, васькафнезь анцесазь пенсионерхнень кядьста коттнень. Мяляфтость, кда корхтамась моли «аф пелькс счетть» колга, тя мошенникнень инь сидеста васьфневи методсна.