Лятфнезь СВО-нь геройть — 24 июля 2026 г. в 15:25:00.642
Лятфнезь СВО-нь геройть Краснослободск ошень идень спортонь школань стадионца ётасть футболса пялькстомат, конат лемтьфтольхть СВО-нь геройти, десантно-штурмовой батальононь гвардиянь майорти П.С.Давыдовонди. Турнирса примасть участия од ломанень колма командат. Нят Краснослободск ошень ДЮСШ-нь, Зубово-Полянскяй райононь и Моску ошень командатне. Турнирса примасть участия геройть мала ломаненза. Тя Павел Сергеевичень аляц, Сергей Вильданович, тядяц, Ирина Васильевна, оцяц. Примасть участия ня пялькстоматнень эса и «Защитники Отечества» Мордовия Рес- публикань Краснослободскяй районть эзга социальнай координаторсь В.А.Федюшкина, райсоветонь депутаттнень председательснон заместителец О.В.Коршунова, ДЮСШ-нь директорсь И.Н.Карпушкин, геройть оцяц, Игорь Вильданович. Турнирса сяськсь Краснослободскяень ДЮСШ-нь командась. Омбоце и колмоце васттнень занязь Москувонь и Зубово-Полянскяй райононь командатне. Инь цебярь налхкикс лувфтольхть Андрей Овтин, Марк Становов, Александр Николаев. Сембе сяськихне и инь цебярь налхкихне казьфтольхть медальса, кубкаса.