Мордовияса виияфтови туристонь инфраструктурась — 20 августа 2026 г. в 10:20:01.988
Мордовияса виияфтови туристонь инфраструктурась «Туризм и гостеприимство» национальнай проектть эряфс ётафтоманц мяльса кирдезь рес- публикаса мольфтевихть оцю работат. Субсидиянь марстонь объемсь 35,5 миллион цалковай. Модульнай аф капитальнай вастс путомань средстватнень тиеманкса нинге нолдави 77,3 миллион цалковай бюджетста, сняра жа тиихть частнай инвестицияне. Тянь вельде ули келептьф Ковылкинскяй райононь Мокша ляйть маласа ваймамань базать номеронь фондоц. Ардатоваса эвондай «Край земли» инжиень комплекссь, а Рузаевскяй райононь «Акватория» пляжса тиевихть инжиень кутт. Мордовия Республикань Экономикань, торговлянь и предпринимательствань министрть заместителец Оксана Ларина отмечазе: «Туристонь инфраструктурать виияфнемац—регионть приоритетонзон эзда фкясь. Минь няйсаськ, што предпринимательхнень касонды мяльсна од маршрутонь и вастс путомань объектонь тиемати. Национальнай проектть вельде тейнек ули кода кирдемс синь инициативаснон ширеснон и тиемс Мордовиять туристтненди сяда мялень салайкс». Сай кизоть предпринимательхнень и общественнай организациятнень эзда од проекттнень ширеснон кирдемац кармай мольфтевома сяда тов.