ТАТАР МОҢЫНЫҢ САНДУГАЧЫ САРА САДЫЙКОВАНЫҢ ТУУЫНА 120 ЕЛ!
ТАТАР МОҢЫНЫҢ САНДУГАЧЫ САРА САДЫЙКОВАНЫҢ ТУУЫНА 120 ЕЛ! Моң ул – милләтнең җаны. Ә Сара Садыйкова – шул җанның иң нечкә кылларын тибрәткән бөек шәхес! Бүген татар халкының сөекле композиторы, Татарстанның халык артисткасы, Габдулла Тукай исемендәге Дәүләт премиясе лауреаты Сара Садыйкованың тууына 120 ел! Аның көйләрендә – татар хатын-кызының сабырлыгы, аналарның җан җылысы, туган якка чиксез мәхәббәт, сагыну-сагышлар, кавышу шатлыгы... «Җидегән чишмә», «Сусау», «Үз илемдә»... Бу җырларны тыңлаганда күңелнең иң түрендә сакланган хисләр уяна. Әйтерсең лә, әниләребезнең бишек җыры, әбиләребезнең моңлы тавышы, туган авылыбызның чишмә челтерәве ишетелә... Сара Садыйкова җырлары – гади көйләр генә түгел. Алар – халкыбызның йөрәк тибеше, милләтебезнең моңлы хәтере! Еллар үтә, буыннар алышына. Ә аның җырлары һаман яши, күңелләрне җылыта, ераклардагы милләттәшләребезне дә туган җиргә, ана теленә, татар моңына бәйләп тора. Милләтебезнең моң алиһәсе Сара Садыйкова иҗаты мәңге яшәсен! Татар моңы тынмасын, татар җыры буыннан-буынга күчсен! Ә сезнең күңелегезгә Сара Садыйкованың кайсы җыры аеруча якын? Кайсы көйне ишетүгә балачагыгыз, яшьлегегез, кадерле кешеләрегез күз алдына килә? Әйдәгез, комментарийларда иң яраткан җырларын искә төшерик! Бүген күңелләрдә Сара апаның үлемсез моңнары яңгырасын! Фото – "Татар-информ".