Йәшәү дауам итә
Йәшәү дауам итә Баймырҙина Римма Бөтә нәмә бәйле бер - берһенә Ҡояш нурын һибә көндөҙөн. Ай янында шаян йондоҙҙар ҙа Биҙәп тора зәңгәр күк йөҙөн. Шәфәҡ нуры киске офоҡтарҙа Төн фәрҙәһен ергә төшөрә. Ҡыш һалҡыны ҡурһа йәнкәйеңде Йәй ялҡыны тәнең бешерә. Үҙгәртергә һаман тырышабыҙ Шөкөр итмәй йәшәү шартына. Йәшәһәк тә етеш донъяларҙа Ниҙер етмәй кеше затына. Булған һайын килә булдыраһы Үтәмәйбеҙ Раббым талабын. Шартлау, атыш, янғын һыу баҫыуҙар Шуңа һала Раббым ғазабын. Бөтә нәмә бәйле бер - берһенә Ай йондоҙҙар, яҡты ҡояш та. Беҙҙән һуң да улар мәңгелек бит Дауам итә йәшәү тормошта.
23 просмотров