- Ай һай, беҙ бит һинең менән ике надзератель, беҙҙең ҡул аҫтынан себен дә осоп сыға ал...
- Ай һай, беҙ бит һинең менән ике надзератель, беҙҙең ҡул аҫтынан себен дә осоп сыға алмаҫ тип көлөштөләр. - Туҡ,туҡ, туҡ, керергә буламы? - Әйҙә әйҙә кем бар унда, әйҙүк әйҙүк ә үҙебеҙҙең Йәмиләбеҙ икән дәһә, әйҙә түрҙән уҙ балаҡай, инде маҡтап ҡына йөрөйһең. - Айсыуаҡ өйҙә юҡта ғына кереп хәлеңде беләйем тип керҙем, уңайһыҙ күҙенә күренеп йәнен көйҙөрмәйем әле. Икенсенән, әле магазиндан ҡайтышылай киленегеҙ йән фарман сабып бара ине ауыл осона табан, саҡ тапап китмәне, шуңа мәйтәм ни булды икән тиеп кенә кереүем. - Кит ниндәй килен булһын ул, килен түгел ен ул. – Әйтһәң – һүҙ, төртһәң, күҙ инде, оҙон һүҙҙең ҡыҫҡаһы, сабыр ғына итеп тыңла әле йәме Йәмилә ҡыҙым. - Беҙ ике надзератель бер шпионды плендә тоттоҡ та, эт күрмәгәнен күрһәтеп, язалап өйөнә оҙаттыҡ. Саҡ сығып ҡасты, табаны ғына ялтырап ҡалды. Вәлләһи мына ышанһаң ышан, ышанмаһаң юҡ. Тамсыһын да түкмәйенсә, бөртөгөн дә сәсмәйенсә, арттырмай ҙа кәметмәйҙә вес һөйләп бирҙек. Айсыуаҡ эштән ҡайтышылай, ауыл осонан уҡ ҡасҡалаҡ кәләшенең бер егеттең машинаһына утырып сығып киткәнен ишетеп ҡайтып керҙе. Дөрөҫөн генә әйткәндә бер ҙә борсолманы, киреһенсә һөйөндө генә. Хәйләкәр Элионораның мәкерле уйын тиҙ генә самалап, горячий ленияға шалтыратып карточкаһын блакировать иттерә һалды. Ярай әле әсәһе өндәшмәһә лә Шәмсинур инәйе шустрый, ваҡытында был яңылыҡты еткерҙе. - Айсыуаҡ улым, был яһалма ҡурсағың һине һуйып тиреңде тунап сығып китергә йөрөй тип түкмәй - сәсмәй һөйләп бирҙе рәхмәт яуғыры. Өй эсенән тәмле еҫ борхоп тора, ә ундағы көлөшкән тауыштар араһында үтә лә таныш, үтә лә яҡын тауышты ишетеп, йөрәге дөп - дөп типте, Айсыуаҡ уҡтай атылып өйгә кергәнен һиҙмәй ҙә ҡалды. Йәмилә... Айсыуаҡ... Ике йылға һуҙылған айрылышыуҙан һуң оҙаҡ ҡына текәлешеп ҡарашып торҙолар ҙа, бер - береһенең ҡосағына ташландылар. Кеше һүҙе кеше үлтерә, тип юҡҡа ғына әйтмәйҙәр икән. Шул әсе теллеләрҙе тыңлап күпме парҙар айырыла. Ә теге ике надзератель әллә ниндәй ҙур эш башҡарғандай мут йылмайып ситтән генә ике йәште күҙәтте.