Мин һаман да Йәшлек илендә
Мин һаман да Йәшлек илендә Баймырҙина Римма Күңелемдең иләҫ - миләҫ сағы Дыуамал да уҙған балалыҡ. Ғүмеркәйҙең шулай тиҙ үтеүе, Күҙҙәр асып йомған аралыҡ. Ҡайтыр инем кире шул саҡтарға Аҙға ғына миҙгел туҡталһа. Кисә генә сабый бала инем, Ҡартлыҡ көтә бөгөн тупһала... Йәшен кеүек йәшнәп, йәшлек үтте Ялт - йолт итеп йәшен ҡамсыһын. Бушҡа сарыф итмәй йәшәү бәхет Ғүмеркәйҙең һәр бер тамсыһын. Күңелемдең иләҫ - миләҫ сағы Өмөт ҡанаттары иңемдә. Алтын көҙгә килеп етелһә лә. Мин һаман да Йәшлек илендә.
22 просмотров