Донъя мәшәҡәтенән бер аҙ бушанып ҡайтып килдем ауылыма. Гүр эйәһе булған әтей әней, яҡы...
Донъя мәшәҡәтенән бер аҙ бушанып ҡайтып килдем ауылыма. Гүр эйәһе булған әтей әней, яҡындарым, туғандарым янына. «Әс-саләму ғаляйкум, дара ҡаумин муъминина, үа инна иншааллаhу бикүм лә ẍиҡунә,әсъәлуллаһу ли үә ләкүмүл ғафиәт" Мәңгелек йорт Баймырҙина Римма Тыуған ауылыма ҡайтҡан саҡта Юл өҫтөндә ҡаршы ала ҡайынлыҡ. Баҡыйлыҡҡа күскән әрүәхтәр йорто Бер тауыш юҡ...унда мәңгелек тынлыҡ. Талғын ғына иҫкән йылы елдәр Ағас япраҡтарын наҙлап иркәләй Күкрәгендә сабыйын тибрәтеп Әйтерһең дә бишек йырын ул көйләй. Донъя мәшәҡәтенән арынып Юл тоттом әле бөгөн тыуған яҡҡа. Рөхсәт һорап ғәзиздәрем ятҡан Килдем мәңгелек йортҡа, ҡайынлыҡҡа. "Һаумыһығыҙ, ауылдаштар тиеп"- Һаулыҡ һорашып үттем янығыҙға. "Кисерегеҙ мине Әней, Әтей Ғәйебем булһа һеҙең алдығыҙҙа". Нисә быуын ырыу кешеләре Барыһы ла ҡайынлыҡҡа йыйылған. Исемдәре күңел түрҙәренә Мәңге юйылмаҫлыҡ булып уйылған. Таныш йөҙҙәр ҡаршылай йылмайып Туҡталам һәр береһенең ҡаршына. Яҡты хәтирәләр менән иҫләп Сәскә һалам, ҡәберегеҙ ташына. Һабаҡташтар...күрше күләндәрем Һеҙ бит һәр бер өйҙөң тере йәндәре. Күҙ алдында, әле бөгөнгөләй Барыһы ла ауылыбыҙ йәмдәре. Кисә генә һымаҡ хәтеремдә Һабаҡташ ҡыҙҙар, һәмдә шуҡ егеттәр. Уйға ҡалһам, йөрәк өҙгәләнә Юҡ шул...арабыҙҙа, юҡ шул бик күптәр. Ниңә ҡыҫҡа икән, ғүмеркәйҙәр? Ниңә аяуһыҙ һин, ҡәһәрле әжәл? Йәшнәп йәшәр саҡта ғына киткән Ваҡытһыҙ өҙөлгән йәш ғүмерҙәр йәл. Донъя матур, йәшәү үҙе бәхет Бергә саҡтың беләйек ҡәҙерҙәрен. Ваҡыт үткәс үкенгән булабыҙ Ҡосоп илайбыҙ, һалҡын ҡәберҙәрен. "Ваҡыт еткәс осрашырбыҙ"- тиеп Һаубуллаштым, артта ҡалды зыярат. Йәшәйһеләр килә был донъяла Иртәрәк...етмәй торһон беҙгә сират. Ауылымдан сығып киткән саҡта Юл ситендә оҙатып ҡала ҡайынлыҡ. Ғәзиз йәндәребеҙ, әрүәхтәр йорто Бер тауыш юҡ..унда мәңгелек тынлыҡ. Йәшәһҽ килә туйғансы Римма Баймырҙина Йәшәү дәүҽрҽ миҙгҽл гҽнә тойолһа ла Мәңгҽгә килгәндәй йәшәйбҽҙ донъяла. Бҽлмәй бҽр кҽмдә ҡайһы ҽрҙә абынаһын Иртәгәһҽ көн, ни көтә ни булаһын. Килҽүҙәрҙән, китҽүҙәрҙән донъя ҡоролған, Тәҡдир маңлайыңа яҙылып ҡуйылған. Бҽлмәйҽнсә әйтмәгәндәр бит үрҙәрҙә, Күрәсәгҽң күрмәй кҽрмәйһҽң гүрҙәргә. Бҽлмәйбҽҙ, иртәгә ни көтә, ни булаһын, Күрмәйбҽҙ йәшәү мҽнән үлҽм араһын. Үтә лә китә ғүмҽр, күҙ асып йомғансы, Эх, йәшәһәң инҽ был ҽрҙә, туйғансы.