Ә аннары инде Билалның гаиләсе килде – хатыны белән кызы. Аның хатыны белән Вика дуслаш...
Ә аннары инде Билалның гаиләсе килде – хатыны белән кызы. Аның хатыны белән Вика дуслашып та киттеләр, кызлары да бергә уйный башлады. Әллә инде моны Вика юри үзе шулай китереп чыгарды? Кем белсен?! Вика вакытын уздыра алмый аптырый иде. Билалларга кичкырын ук керсә дә, чыгып китәргә бер дә ашыкмый. Балаларны уйната, аннары Билалның хатыны белән чүпрәк-чапрак турында сөйләшә башлыйлар. Бу сүз инде бетми-төкәнми көннәр буе дәвам итә ала, аның очы-кырые күренми. Гаиләсе килгәч, Билал кибеттән телевизор алып кайткан иде, кич буе бергәләп шуны карыйлар. Әйбәт кенә карап утырганда, экранга көтмәгәндә япон, кытай дикторлары килеп керә, моңа сәерсенеп, көлешеп алалар. (Ахыры бар.)
866 просмотров